Baada ya Q. CHILLAR kusema DIRECTORS wa ndani hawana uwezo wa kufanya nao kazi, Dir HANSCANA kamjibu

Akiongea kwenye kipindi cha Planet Bongo kinachorushwa na East Africa Radio, Hanscana amesema Q Chief ana stress za maisha, kwani kwa muda mrefu yupo kwenye game na ameshindwa kufanya chochote.

“Ye ana stress za maisha, haiwezekani ukafanya muziki zaidi ya miaka 17 alafu huna hata pikipiki wakati kuna watoto wamekuja tu juzi kirahisi rahisi, mtu sijui anaitwa Baraka da Prince kwa hiyo lazima upate mastress uanze kutapatapa, si unajua mfa maji, u can see ur self jamaa ana more than 17 yrs in the game alafu he got nothing, alafu kuna watoto tu wadogo wanafanya kitu, kwa hiyo unaweza ukafikiria, suala dogo kama hilo kitaalamu hizo ni stress za maish”. Alisema Hanscana.

Pamoja na hayo Hanscana amemtaka Q Chief akae pembeni na kuwaachia wasanii wachanga wafanye kazi kwa sasa, na yeye abaki kuwa mtazamaji.

“Ninachomshauri atuachie tu new generation tufanye vitu vyetu , tuna mwaka mmoja ndani ya game tuna drive, tunaishi vizuri, atuache tu vijana aangalie tu game awe anatuangalia Youtube”, alisema Hanscana.

hapo jana msanii Q Chief alisema directors wa ndani hawana uwezo wa kufanya nao kazi, na kuwataka wakaongeze taaluma zaidi ili kuweza kufanya vizuri.

Source: http://www.eatv.tv/